اذا وجت عالم فلا تتركة من غير ما تستفيد

اذا وجت عالم فلا تتركة من غير ما تستفيد علي قدر ما تسطيع

اولأ: الحمد لله والشكرة له اني كنت من ضمن فريق عمل دكتور ابراهيم الفقي ( رائد التنمية البشرية في الوطن العربي) هذا طبعا شرف لي اصلا، والحكاية بداءت من خلال جروبي في الفيس بوك( لكل من يعتقد انة فاشل) كلمني فريق عمل الدكتور وطلب مني احضر المقابلة مع الدكتور، علشان يبقى في تعاون مشترك بينهم وبيني من خلال الجروب..هذا مختصر اللي حصل، والحمد لله وافقت وقابلت الدكتور، وبداء الشغل من شهر، الحمد لله، وبجد كان اجمل انترفيو حصل في تاريخ حياتي لحد الان زي ما قولت في تدوينة الفرصة

ثانيا: وهذا هو الاهم وكلة يركز لأنها اقوي من الاولي بمراحل كبيرة، واقوي من اي حاجة ممكن اقولها، الحمد لله بفضل ربنا وبسبب الشغل مع الدكتور، دخلت دبلومة من اقوي الدبلومات في التنمية البشرية اللي هي ( دبلومة الممارس المعتمد للبرمجة اللغوية العصبية) المعتمدة من المركز الكندي للدكتور ابراهيم الفقي..
دي طبعا لايمكن حد يتخيل يعني اية انا اطحت في التجربة هذي تحول في حياتي فتح مجالات واسعة في عالم النجاح.
عارفين يعني اية
يعني انا اخدة شهادة من المركز الكندي بكندا
بتقول ان
انهاردة 30/6/2009
شيماء راضي ابراهيم
بقيت ممارسة معتمدة للبرمجة اللغوية العصبية ( يعني اكون مدربة زي دكتور ابراهيم ومعتمدة كمان)
الحمد لله
جايز لسة باقيلي شوية خطوات تأكيد علي الشهادة لكن هذا اهم خطوة واقوي خطوة، وهذه مش سهلة ومكلفة جدااا.
مش عارفة اقول اية، يمكن في كلام كتير مش عارفة اعبر بية عن فرحتي، هذه حاجة كبيرة جدا، دبلومة اخدة مني اسبوع، شغل ليل نهار، اجهاد، وتعب، انقطاع عن شغلي، جاء في وقت صعب قوي، وقت امتحاناتي، يعني كمية ضغوط لا يمكن حد يتخيلها، لكن برغم كل الظروف هذه الحمد لله اخدة الدبلومة،والحمد لله وصلت لحاجة لايمكن كنت اتخيل اني اوصلها، وكلة بفضل لله ثم بفضل تشجيع الدكتور لية، وربنا يباركلة يارب، ويعطي الصحة بجد ادعولة هذا راجل عالم بجد، وفعلا هو هدية من الله للبشرية، فعلا زلزال متحرك من العلم، كنز مفيد للجميع، تأخذ منة ولا ينتهي مهما اخذت زي البحر بالضبط، يمكن كل ماتاخد منة يزيد اكتر واكتر مشاء الله علية.
كفاية انة من كتر تواضعة قال
ان العالم عالم بجهلة
شوفتو قمة التواضع

انا بحترمة جدااا، انة برغم تعبي هذا ، وبرغم اننا أجهدناه بكثرة أسألتنا الا انة لا يبخل علي اي حد منا، مهما كان سنه او مهما كان تعبه، ربنا يشفيه يارب.
عارفين يعني اية اخر يوم في الدبلومة واحنا نازلين يسلم عالبواب ويحضنة ويبوسة، قبل ما يمشي، الله علية بجد الله علية وعلي تواضعة وذوقة..
الراجل ده من اقوي الناس اللي اثرو علي تفكيري وحياتي، حتي من قبل ما اقبلة..ربنا يباركلة يارب..
بحترمة قوي، واحترمتة اكتر لما شوفتة، وشوفت قد اية كان حريص كل الحرص، علي اداء الصلاة في وقتها، اثناء المحاضرات..ناخد بريك صلاة ونرجع، هذا كان لماذا معني جميل قوي منه، وتاثير اقوي علينا.
قد اية اتكلم على الله بشكل تاني غير اللي المعتاد نسمعة، شكل يخليك مقبل علي كل العبادات بحب واخلاص، اكتر من اي وقت..قد اية بينشر فينا احساس بالامل والتفأول من غير ما ينقصة اي امل ولا تفاؤل..
قبل ما اروح الكورس، كنت بقرا لية كتير، واتفرج علية اكتر، وبسمعلة كتير، لكن انك تقابلة، الاحساس بيختلف جداااااااا، وكفاية تشوف البسمة اللي مرسومة علي وجهة، واحساس الدفء في المحاضرة ، وروح الدعابة اللي فية، ودبلوماسيتة، وذوقة في التعامل مع المشاكل اللي حصلت في اثناء المحاضرات، بينهي المشاكل بمنتهي البساطة، والهدوء..
انسان متواضع بشكل غير عادي، مفيش اي نوع من انواع التعالي، ولا الكبر بعد ما وصل لكل المراكز هذا..بفضل الله وامانة بأنة كان من اول الناس اللي قدرت تحرك تفكيري، وتغيرة، من بعيد لبعيد..
يمكن لو فضلت اتكلم اكتر من كدة،لن افيه حقه وزيادة كمان عن هذا..لكن فعلا الراجل ده يستاهل اكتر كمان.
عارفين اخر الدبلومة، عملنا زي تتدريب عالاسترخاء علشان خاطر الضغوط اللي الواحد بيمر بيها طول اليوم، عملنا التدريب، وبعديها بجد كلنا فقنا الحمد لله، لكن حسينا قد اية الراجل ده روحاني، ملوش حل، دخلنا في حالة من الاسترخاء والراحة النفسية، وحصل زي اللفة بينك وبينة، كنت عايز تخلص وتقوم تحضنة وكأنة والدك، وبجد كتير مننا بكى علشان خاطر انة جية علي نفسة وبرغم تعبة ومأتثر معانا في التعلم والعلم من كتر ما انت حاسس انة ادالك علم سنين في دبلومة، ومن كتر ما كان عايزنا نتعلم كل حاجة ونستفيد.
وفي اخر الكورس
طلب مننا ان لما نخرج من هنا نعمل 3 حاجات
1- نفتح مكتب استشاري ونفيد الناس بالعلم اللي اتعلمنا، ونساعد علي الاقل 5000 شخص لوجهة الله.
2- نكتب كتاب نعلم الناس فية ازاي ينجحو ويتعلمو النجاح.
3- نعمل دراسات عالية في المجال ونزود معلوماتنا وخبراتنا...
*********************
الحمد لله علي كل حال، والحمد لله علي النعمة دي احمدك واشكر فضلك يارب، وحبة تشاركوني فرحتي ونجاحي الحمد لله..
بحبكم كثير ومبسوطة كثير..
ونفسي تتدعولي ربنا يستر علية في امتحاناتي، لأني فعلا تعبانة، وتعبت فوق ما حد يتخيل، كمية ضغوط قوية في فترة مش ينفع فيها كل الكربسة دي، بس الحمد لله النتيجة مرضية بالنسبة لية، من اهم انجازاتي الحمد لله.

ملحوظة اخيرة: انا كتبت الموضوع هنا، لأن ده بيتي في المنتدي، اللي برتاح فية كتير، وفي نفس الوقت غايبة عنة بقالي كتير، وحبة ارجعلة بحاجة تقوية وتتدعمة اكتر..وكمان عشان اعمل للكل تنبية بي، ويشاركوني فرحتي.
المصدر: YomGded.com :: منتديات يوم جديد ::

» كيف تستفيد من الوقت
» كيدزينا عالم الاطفال خواطر 5 الحلقة 2